Xullo 2019

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Coinscrap pecha unha rolda de financiamento de 180.000 euros

A plataforma de micro-aforro Coinscrap, fundada en 2017 pola empresa de Tecnópole TxStockData, pechou unha rolda de financiamento de 180.000 euros na que participaron Indexa Capital, Fernando Cabelo-Astolfi (Aplazame) e BBooster Ventures. Esta startup de orixe galega liderada por David Conde, Óscar Barba e Juan Carlos López ofrece unha plataforma para a planificación das finanzas persoais a través de regras de aforro automáticas e dos principios da economía conductual.

A delegada da Xunta en Ourense visita as renovadas instalacións da piscina da Tecnópole

A delegada territorial da Xunta en Ourense, Marisol Díaz Mouteira, visitou a piscina de Tecnópole, reaberta desde o mes pasado en horario de 12.00 a 21.00 horas. Díaz Mouteira, que estivo acompañada do xefe territorial da Consellería de Economía, Emprego e Industria, Santiago Álvarez, comprobou as obras de reparación, acondicionamento e reestruturación executadas antes da súa reapertura.

PSA e os enxeñeiros do CTAG pon a punto a tecnoloxía que levarán máis de 80 millóns de vehículos no 2030

O vehículo autónomo fabricado por PSA e o Centro Tecnolóxico de Automoción de Galicia (CTAG) marcou un novo fito ao superar con éxito as probas de condución en condicións reais nunha contorna urbana.

Se en 2015 o primeiro prototipo sen condutor de PSA logrou cubrir o tramo Vigo-Madrid por autovías e chegar san e salvo a destino, hai uns días un novo vehículo piloto (un Citroën C4 Spacetourer fabricado en Vigo e revestido de cámaras e sensores polo CTAG) superou a proba de lume en plena Gran Vía de Vigo e en hora punta, pasado o mediodía.

A industria alimentaria busca alternativas seguras ao plástico non reciclable

Carne, ovos, produtos elaborados con castañas, marmeladas, hortalizas, froitas... Galicia ten produtos dunha gran calidade que, agora cada vez máis, botan man do packaging para lograr un mellor posicionamento no mercado. O envase conta. E moito. A cuestión é cal elixir nun momento no que o plástico non reciclable ten os días contados.
 
A UE acordou prohibir os plásticos dun só uso no 2021, un horizonte que a industria agroalimentaria non ve tan afastado.

A aceleradora de contidos dixitais de R dá a luz catro proxectos

Unha aplicación móbil de recoñecemento facial, un sistema para a identificación de públicos ou a explotación da realidade virtual foron algunhas das propostas que se puideron ver na xornada tecnolóxica Demo Day, que organizaron a empresa de telecomunicación R e a axencia autonómica Amtega (Axencia para a Modernización Tecnolóxica) na Cidade da Cultura.

Un novo dispositivo produce enerxía e auga limpa á vez

Investigadores da Universidade de Ciencia e Tecnoloxía Rei Abdalá de Thuwal, en Arabia Saudita, lograron combinar nun único dispositivo a purificación de auga e a produción eléctrica con paneis solares. Os detalles da innovación publicáronse no último número da revista Nature Communications.

Un español, entre os 50 emprendedores seleccionados por Richard Branson

Richard Branson convida a cincuenta emprendedores a Necker Island co obxectivo de xerar sinerxías que axuden a construír un mundo mellor. Entre os invitados só había un español, Carlos Ferrando.

O futuro dos pagos: Pagar pola cara, nin cartóns de crédito nin tampouco efectivo

Segundo os expertos, no futuro non se requirirá a presentación física dun medio ou dispositivo algún á hora de realizar un pago. O uso da biometría comeza a explotarse.

As redes sociais en cifras: chegou a madurez

Nin Facebook, nin Tuenti, nin Fotolog. A primeira rede social da historia foi SixDegrees, unha plataforma que xa en 1997 permitía aos usuarios crearse un perfil e conectar con algúns amigos. De feito, o nome fai referencia á teoría de que calquera ser humano está conectado a outro do planeta por 6 coñecidos. SixDegrees pechou, e moito evolucionou o mundo do social media desde entón.

A Galiciencia, seleccionada finalista entre as dez solucións máis inspiradoras do mundo pola Asociación Internacional de Parques Tecnolóxicos

A Galiciencia vén de ser seleccionada finalista entre as dez solucións máis inspiradoras do mundo pola Asociación Internacional de Parques Científicos e Tecnolóxicos (IASP). A feira científica de referencia en Galicia é organizada anualmente por Parque Tecnolóxico de Galicia-Tecnópole co apoio da Consellería de Economía, Emprego e Industria e a Fundación Española de Ciencia e Tecnoloxía (Fecyt).

Páxinas